Fréttir (birtar niðurstöður)

- Fylgi Framsóknarflokks heldur áfram að dala

- Fylgi Vinstri grænna og Sjálfstæðisflokks breytist lítið

Fylgi Samfylkingarinnar mælist nú 30,5%. Þetta er veruleg aukning frá síðustu könnun í febrúar 2009 þegar fylgi flokksins mældist 24,1%. Fylgi Framsóknarflokksins dalar nokkuð og fer úr 14,9% í febrúar í 10% nú. Stuðningur við Sjálfstæðisflokk og Vinstri græna breytist lítið, fylgi Sjálfstæðisflokks mælist nú 29,3% og fylgi Vinstri grænna 22,7%.

Fjöldi þeirra sem sagðist myndu kjósa aðra stjórnmálaflokka en buðu fram síðast heldur áfram að minnka og stendur nú í 5,3%

Í könnun MMR þar sem spurt var um afstöðu fólks til fiskveiðiheimilda sögðust 61% svarenda vera hlynntir því að stjórnvöld afturkalli með einum eða öðrum hætti gildandi fiskveiðiheimildir og úthluti þeim að nýju með breyttum reglum. Aftur á móti voru 20,7% andvígir slíkum hugmyndum og 18,3% sögðust hvorki vera hlynnt né andvíg hugmyndinni.

- Kreppan hefur haft mest áhrif á atvinnu karla og þeirra sem yngri eru

 Í könnun MMR þar sem spurt var um áhrif kreppunnar á atvinnu fólks kom í ljós að 5,8% segjast hafa misst atvinnuna vegna kreppunnar. Þetta er í takt við tölur Vinnumálastofnunar um skráð atvinnuleysi þar sem fram kemur að atvinnuleysi mælist 6,6% í janúar síðastliðnum samanborið við 1,3% í september 2008.

- Fylgi Vinstri grænna dregst saman.
- Fylgi Framsóknarflokks dalar heldur.

Fylgi Samfylkingarinnar mælist nú 24,1%. Þetta er veruleg aukning frá síðustu könnun þegar fylgi flokksins mældist einungis 16,7%. Síðasta könnun var framkvæmd dagana 20-21 janúar þegar búsáhaldabyltingin stóð sem hæst og tveim dögum áður en tilkynnt var um slit ríkisstjórnar Sjálfstæðisflokks og Samfylkingar. Síðasta könnun sýnir því glöggt hve erfið staða Samfylkingarinnar í ríkisstjórnarsamstarfinu var orðin.

- Formaður Vinstri grænna sá sem flestir segjast bera mikið traust til.
- Fæstir segjast bera lítið traust til nýs formanns Framsóknarflokksins.

Flestir, eða 33,7%, segjast bera mikið traust til Steingríms J. Sigfússonar, formanns Vinstrihreyfingarinnar - græns framboðs. Þar á eftir kemur Sigmundur Davíð Gunnlaugsson, nýkjörinn formaður Framsóknarflokksins, en 23,2% segjast segist bera mikið traust til Sigmundar sem er réttum tveim prósentustigum færri en segjast bera lítið traust til hans. Vel yfir helmingur segist bera lítið traust til formanna Sjálfstæðisflokksins, Samfylkingar og Frjálslynda flokksins.

Einungis 14,4% svarenda telja að efna eigi til alþingiskosninga í lok kjörtímabilsins. Aftur á móti telja 30,8% svarenda að kjósa eigi innan þriggja mánaða og 30,3% að kosningar eigi að fara fram eftir 3-6 mánuði, Hins vegar telja 15,2% að kjósa eigi eftir 6-12 mánuði og 9,3% segja að réttast væri að efna til næstu alþingiskosninga árið 2010.

-Verulega dregur úr fylgi Samfylkingar.
-Vinstri grænir mælast enn stærsti flokkurinn.
-Samanlagt segjast 41% styðja ríkisstjórnarflokkanna.

Stuðningur við Framsóknarflokkinn mælist nú rétt yfir 17%. Þetta er veruleg breyting frá síðustu könnun þegar rétt um 5% sögðust kjósa Framsóknarflokkinn væri gengið til kosninga í nú.

Um 82% aðspurðra segjast bera mikið traust til Fréttastofu RÚV. Þetta er nokkur aukning frá könnun sama efnis í byrjun desember (5. des. 2008), þegar tæp 77% sögðust bera mikið traust til fréttastofunnar. Fréttastofa RÚV er þar með sá fjölmiðill sem nýtur áberandi mests trausts meðal svarenda í könnuninni. Morgunblaðið er enn sem fyrr það dagblað sem nýtur mests traust meðal svarenda, en 64% þeirra segjast nú bera mikið traust til blaðsins sem er einu prósentustigi hærra en þegar síðast var mælt. Meðal netfréttamiðla nýtur Mbl.is mests trausts, en 64% segjast bera mikið traust til Mbl.is, sem er sami fjöldi og í síðustu könnun.

-Innan við helmingur segist bera mikið traust til forsetans.
-78% segjast bera lítið traust til seðlabankastjóra og fjármálaráðherra.
-Formenn VG, Sjálfstæðisflokks og Samfylkingar meðal þeirra sem njóta mests trausts.

Flestir, eða 64%,  segjast bera mikið traust til Jóhönnu Sigurðardóttur, félagsmálaráðherra, þar á eftir kemur Ólafur Ragnar Grímsson, forseti Íslands, sem 44% segjast bera mikið traust til og þá Þorgerður Katrín Gunnarsdóttir, menntamálaráðherra, sem 40% segjast bera mikið traust til.

Jóhanna er jafnframt sá einstaklingur sem fæstir segjast bera lítið traust til en 14% aðspurðra sögðust bera lítið traust til hennar. 28% sögðust bera lítið traust til Ólafs Ragnars og 33% sögðust bera lítið traust til Þorgerðar Katrínar.

Gamalgróin vörumerki njóta meira trausts en löggjafar- og framkvæmdavaldið.
Mikill meirihluti ber lítið traust til Fjármálaeftirlitsins, bankakerfisins og Seðlabankans.

Um og yfir 76% aðspurðra segjast bera mikið traust til Háskóla Íslands, Fréttastofu Sjónvarps (RÚV) og Lögreglunnar. 
Háskólinn í Reykjavík nýtur trausts 64% svarenda.

Trú á að mótmæla- og borgarafundir endurspegli viðhorf þjóðarinnar áberandi meðal kjósenda Samfylkingar og Vinstri grænna.

Alls telja 55,4% svarenda að boðskapur mótmæla- og borgarafunda undanfarinna vikna endurspegli viðhorf meirihluta þjóðarinnar. Mikill munur mælist á afstöðu fólks til fundanna eftir stuðningi við stjórnmálaflokka og stuðningi við ríkisstjórnina.

Af þeim sem segjast styðja ríkisstjórnina eru 18% sem telja að fundirnir endurspegli viðhorf þjóðarinnar. Meðal þeirra sem eru andvígir ríkisstjórninni er þetta sama hlutfall aftur á móti  tæp 80%.

Horft til þess hvaða flokka fólk segist myndu kjósa ef gengið væri til kosninga í dag þá eru rétt um 10% þeirra sem segjast myndu kjósa Sjálfstæðisflokkinn sem telja að fundirnir endurspegli viðhorf meirihluta þjóðarinnar. Á hinn bóginn eru tæp 57% Samfylkingarfólks og rúm 82% Vinstri grænna sem telja að mótmæla- og borgarafundir undanfarinna vikna endurspegli viðhorf meirihluta þjóðarinnar.

 Tæp 77% aðspurðra segjast bera mikið traust til Fréttastofu Sjónvarps (RÚV). Þetta er töluvert meiri fjöldi en kveðst treysta öðrum fjölmiðlum sem mældir voru. Þannig eru rétt undir helmingi sem segist bera mikið traust til Fréttastofu Stöðvar 2 (49%) og Fréttablaðsins (45%).

Morgunblaðið er það dagblað sem nýtur mest trausts meðal svarenda, en 63% þeirra segjast bera mikið traust til blaðsins..

Meðal netfréttamiðla nýtur Mbl.is mest trausts (64%). Þetta eru því sem næst tvöfalt fleiri en segjast treysta Visi.is (33%).

Fréttastofa Sjónvarps (RÚV) er sá fjölmiðill sem fæstir segjast bera lítið traust til eða 5,6%. Til samanburðar má nefna að 15% segjast bera lítið traust til Fréttastofu Stöðvar 2 og 70% segjast bera lítið traust til DV.

Tæp 8% aðspurðra segjast vilja kjósa aðra flokka en buðu fram í síðustu Alþingiskosningum. Þetta er hærra hlutfall en fylgi Frjálslynda flokksins var í síðustu kosningum. Fylgi Sjálfstæðisflokksins mælist nú tveim prósentustigum lægra en það mældist í október en fylgi Samfylkingar og Vinstri grænna helst næsta óbreytt. Fylgi Framsóknarflokksins fellur um nærri helming frá síðustu könnun og mælist nú 4,9%. Sé fylgi Framsóknarflokksins skoðað út frá búsetu kemur í ljós að flokkurinn mælist með 2,5% fylgi á höfuðborgarsvæðinu en 9,2% á landsbyggðinni. Fylgi Frjálslyndra mælist nærri óbreytt í 3% og fylgi Íslandshreyfingar 1,6%.

Í könnun MMR um mikilvægi ímyndar var spurt:

Með hagsæld Íslands til framtíðar í huga. Hvernig eiga íslensk stjórnvöld að forgangsraða eftirfarandi verkefnum að þínu mati?
Viðmælendur svöruðu með því að tölusetja eftirfarandi atriði í mikilvægisröð (atriðin sjálf vöru sýnd í tilviljankenndri röð):

Fylgi Vinstri grænna mælist jafnt fylgi Sjálfstæðisflokks og Samfylkingar.
Stuðningur við ríkisstjórnina mælist undir helmingi.