Fréttir (birtar niðurstöður)

MMR kannaði hvað fólk ætlaði að borða í aðalrétt á aðfangadag á þessari jólahátíð. Nú sem endranær stefnir í að hamborgarhryggur verði langvinsælasti aðalrétturinn á borðum landsmanna á aðfangadag. Vinsældir hamborgarhryggs minnka þó aðeins frá því í fyrra. Af þeim sem tóku afstöðu sögðust 47,5% ætla að borða hamborgarhrygg á aðfangadag nú, borið saman við 52,1% í fyrra (2012).
Af þeim sem tóku afstöðu sögðust 11,7% ætla að borða kalkún sem aðalrétt á aðfangadag, 10,0% sögðust ætla að borða annað lambakjöt en hangikjöt, 6,8% sögðust ætla að borða rjúpur, 4,9% sögðust ætla að borða svínakjöt annað en hamborgarhrygg og 19,1% sögðust ætla að borða eitthvað annað en fyrrgreinda kosti.

MMR kannaði á dögunum traust almennings til helstu stofnana á sviði réttarfars og dómsmála. Traust til flestra stofnana sem könnunin náði til jókst nokkuð í nóvember 2012 en hefur lækkað aftur og sögðust nú færri bera mikið traust til allra stofna sem könnunin náði til heldur en í nóvember 2012.

MMR kannaði á dögunum traust almennings til helstu sjónvarps-, prent- og netfréttamiðla. Af þeim fréttamiðlum sem kannaðir voru báru svarendur mest traust til fréttamiðla RÚV. Af þeim sem tóku afstöðu sögðust 76,5% bera mikið traust til Fréttastofu RÚV og og 71,1% sögðust bera mikið traust til ruv.is.

MMR kannaði fylgi stjórnmálaflokka og stuðning við ríkisstjórnina (stjórn Framsóknarflokks og Sjálfstæðisflokks) á tímabilinu 26. til 28. nóvember 2013. 
Fylgi Sjálfstæðisflokksins mældist nú 26,8%, borið saman við 28,4% í síðustu mælingu. Fylgi Bjartrar framtíðar mældist nú 15,2%, borið saman við 14,5% í síðustu mælingu. Fylgi Framsóknarflokksins mældist nú 15,0%, borið saman við 16,3% í síðustu mælingu. Fylgi Samfylkingarinnar mældist nú 13,8%, borið saman við 14,3% í síðustu mælingu. Vinstri-græn mældust nú 12,6% fylgi, borið saman við 11,0% í síðustu mælingu og Pírataflokkurinn mældist nú með 9,0% fylgi, borið saman við 7,3% í síðustu mælingu.

MMR kannaði á dögunum nokkrar af heilsuvenjum Íslendinga.
Rúmur helmingur sagðist borða hollan morgunverð svo til daglega sem og ávexti og grænmeti. Af þeim sem tóku afstöðu sögðust 53,4% borða hollan morgunverð svo til daglega og 51,5% sögðust borða ávexti og/eða grænmeti svo til daglega. Af þeim sem tóku afstöðu sögðust 62,7% taka þátt í uppbyggjandi samveru með öðru fólki nokkrum sinnum í viku eða oftar, 62,3% sögðust vakna endurnærð nokkrum sinnum í viku eða oftar og 52,0% sögðust taka þátt í líkamlegum íþróttum nokkrum sinnum í viku eða oftar.

MMR kannaði fylgi stjórnmálaflokka og stuðning við ríkisstjórnina (stjórn Framsóknarflokks og Sjálfstæðisflokks) á tímabilinu 25. til 29. október 2013. 
Fylgi Sjálfstæðisflokksins mældist nú 28,6%, borið saman við 26,5% í síðustu mælingu. Fylgi Samfylkingarinnar mældist nú 15,5%, borið saman við 17,3% í síðustu mælingu. Vinstri-græn mældust nú með 14,8% fylgi, borið saman við 12,6% í síðustu mælingu. Fylgi Framsóknarflokksins mældist nú 13,2%, borið saman við 15,4% í síðustu mælingu. Björt framtíð mældist nú með 12,1% fylgi, borið saman við 12,2% í síðustu mælingu og Pírataflokkurinn mældist nú með 8,4% fylgi, borið saman við 7,7% í síðustu mælingu.

MMR kannaði á dögunum viðhorf Íslendinga til lagningu nýs Álftanesvegar í gegnum Gálgahraun (Garðahraun) í Garðabæ. Fleiri voru andvígir lagningu nýs Álftanesvegar í gegnum gálgahraun en hlynntir.
Af þeim sem tóku afstöðu sögðust 42,4% vera andvíg lagningu nýs Álftanesvegar í gegnum Gálgahraun (Garðahraun) í Garðabæ, 32,6% voru sögðust vera hvorki hlynnt né andvíg og 25,1% sögðust vera hlynnt lagningu nýs Álftanesvegar í gegnum Gálgahraun (Garðahraun) í Garðabæ.

MMR kannaði á dögunum traust til helstu stofnana samfélagsins.
Flestir sögðust bera mikið traust til Lögreglunnar, Háskóla Íslands, Ríkisútvarpsins og Háskólans í Reykjavík. Fæstir sögðust bera mikið traust til Bankakerfisins, Fjármálaeftirlitsins, fjölmiðla og Lífeyrissjóðanna.
Af þeim sem tóku afstöðu sögðust 77,1% bera mikið traust til Lögreglunnar, 61,3% til Háskóla Íslands, 52,3% til Ríkisútvarpsins og 48,6% til Háskólans í Reykjavík. Til samanburðar sögðust 9,2% bera mikið traust til bankakerfisins, 10,2% til fjármálaeftirlitsins, 12,7% til fjölmiðla og 12,9% til Lífeyrissjóðanna.

MMR kannaði fylgi stjórnmálaflokka og stuðning við ríkisstjórnina (stjórn Framsóknarflokks og Sjálfstæðisflokks) á tímabilinu 10. til 15. október 2013. 
Fylgi Sjálfstæðisflokksins mældist nú 26,5%. Fylgi Samfylkingarinnar jókst nokkuð og mældist nú 17,3%, borið saman við 14,6% í síðustu mælingu. Fylgi Framsóknarflokksins mældist 15,4%. Vinstri græn mældust nú með 12,6% fylgi og Björt framtíð mældist með 12,2% fylgi. Pírataflokkurinn mældist með 7,7% fylgi.

MMR kannaði á dögunum hvort fólk hefði hugsað um að flytja erlendis á síðastliðnum mánuðum. Hlutfall þeirra sem sögðust hafa hugsað um að flytja erlendis á síðastliðnum mánuðum var það sama og í nóvember 2011. Af þeim sem tóku afstöðu sögðust 40,0% hafa hugsað um að flytja erlendis á síðastliðnum mánuðum, nú borið saman við 39,9% í nóvember 2011. Meirihluti þeirra sem tóku afstöðu nú hafði þó ekki hugsað um að flytja erlendis eða 60,0%, borið saman við 60,1% í nóvember 2011.

MMR kannaði á dögunum viðhorf Íslendinga til þess að mismunandi trúfélög fái að byggja trúarbyggingar á Íslandi.
Flestir voru hlynntir því að Þjóðkirkjan fái að byggja trúarbyggingar á Íslandi en fæstir voru fylgjandi því að Félag múslima á Íslandi fái að byggja trúarbyggingu. Af þeim sem tóku afstöðu sögðust 67,2% vera fylgjandi því að Þjóðkirkjan fái að byggja trúarbyggingar á Íslandi og 8,5% voru því andvíg. 31,5% sögðust vera fylgjandi því að Félag múslima á Íslandi fái að byggja trúarbyggingar á Íslandi en 43,4% voru því andvíg.

MMR kannaði á dögunum viðhorf Íslendinga til lóðaúthlutunar til trúfélaga.
Flestir voru andvígir því að trúfélög fái úthlutað ókeypis lóðum til að byggja trúarbyggingar hjá sveitafélögum.
Af þeim sem tóku afstöðu sögðust 45,5% vera mjög andvíg því að trúfélög fái úthlutað ókeypis lóðum til að byggja trúarbyggingar hjá sveitafélögum, 25,8% sögðust vera frekar andvíg, 18,8% sögðust vera hvorki andvíg né fylgjandi, 7,2% sögðust vera fylgjandi og 2,8% sögðust vera mjög fylgjandi því að trúfélög fái úthlutað ókeypis lóðum til að byggja trúarbyggingar hjá sveitafélögum.

Á tímabilinu 30. ágúst til 3. september 2013 kannaði MMR netvenjur Íslendinga.
Af þeim sem tóku afstöðu sögðust flestir eða 39,3% nota að jafnaði 2 nettengd tæki til að fara á Internetið, þá daga sem þeir færu á Internetið. Næst flestir eða 26,6% sögðust nota 1 tæki til að fara á Internetið, 23,6% sögðust nota 3 tæki og 10,5% sögðust nota 4 eða fleiri tæki til að fara á Internetið.

MMR kannaði á tímabilinu 30. ágúst til 3. september 2013 farsímanotkun Íslendinga og viðhorf til ólíkra farsíma tegunda.
Vinsældir snjallsíma meðal Íslendinga halda áfram að aukast. Af þeim sem tóku afstöðu sögðust 66,4% eiga snjallsíma nú, borið saman við 53,8% í október 2012 og 38,0% í nóvember 2011. Til samanburðar sögðust 68% í Bretlandi eiga snjallsíma, 52% í Bandaríkjunum, 64% í Rússlandi og 60% í Brasilíu¹.

MMR kannaði á tímabilinu 19. júní til 2. júlí viðhorf stjórnenda íslenskra fyrirtækja til horfa í íslensku hagkerfi sem og mikilvægra þátta í rekstarumhverfi þeirra eigin fyrirtækja til næstu 12 mánaða.
Niðurstöðurnar sýna að stjórnendur eru mun bjartsýnni á horfur íslensks hagkerfis til næstu tólf mánaða heldur en þeir hafa verið í mælingum síðustu ára. Af þeim sem tóku afstöðu í júlí 2013 sögðust 70,5% stjórnenda telja að íslenska hagkerfið muni vaxa á næstu tólf mánuðum, borið saman við 39,2% í mars 2012, 32,4% í september 2011 og 27,0% í apríl 2011.

Á tímabilinu 9. til 14. ágúst kannaði MMR ánægju fólks með lífið og tilveruna.
Nokkur munur var á ánægju fólks með veðrið á Íslandi í sumar eftir því í hvaða kjördæmi það var búsett. Þeir sem bjuggu í Norðausturkjördæmi voru ánægðastir með veðrið í sumar en þeir sem bjuggu í Suðvesturkjördæmi voru minnst ánægðir með veðrið í sumar.

MMR kannaði fylgi stjórnmálaflokka og stuðning við ríkisstjórnina (stjórn Framsóknarflokks og Sjálfstæðisflokks) á tímabilinu 9. til 14. ágúst 2013. 
Fylgi Sjálfstæðisflokksins mældist nú 27,9%, borið saman við 29,7% í síðustu mælingu. Fylgi Framsóknarflokksins mældist nú 18,1%, borið saman við 16,7% í síðustu mælingu. Samfylkingin mældist nú með 13,0% fylgi, borið saman við 13,5% í síðustu mælingu og Vinstri græn mældust nú með 14,4% fylgi, borið saman við 13,1% í síðustu mælingu. Björt framtíð mældist nú með 11,7% fylgi borið saman við 12,3% í síðustu mælingu og Pírataflokkurinn mældist nú með 7,1% fylgi, borið saman við 8,4% í síðustu mælingu. 

MMR kannaði fylgi stjórnmálaflokka og stuðning við ríkisstjórnina (stjórn Framsóknarflokks og Sjálfstæðisflokks) á tímabilinu 9. til 11. júlí 2013. 
Fylgi Sjálfstæðisflokksins jókst nokkuð og mældist nú 29,7%, borið saman við 26,5% í síðustu mælingu. Fylgi Framsóknarflokksins dalaði og mældist nú 16,7%, borið saman við 19,3% í síðustu mælingu. Samfylkingin mældist nú með 13,5% fylgi, borið saman við 14,4% í síðustu mælingu og Vinstri græn mældust nú með 13,1% fylgi, borið saman við 13,3% í síðustu mælingu.Björt framtíð mældist nú með 12,3% fylgi borið saman við 12,5% í síðustu mælingu og Pírataflokkurinn mældist nú með 8,4% fylgi, borið saman við 6,9% í síðustu mælingu. 

MMR kannaði á tímabilinu 13. til 19. júní hvort Íslendingar ætluðu að ferðast innanlands eða utan í sumarfríinu. Litlar breytingar reyndust á ferðaætlunum Íslendinga frá því árið áður. Af þeim sem tóku afstöðu til spurningarinnar sögðust 54,7% eingöngu ætla að ferðast á Íslandi í sumarfríinu nú borið saman við 52,8% í júní 2012.
Af þeim sem tóku afstöðu til spurningarinnar sögðust 28,1% ætla að ferðast bæði innan- og utanlands í sumarfríinu borið saman við 27,3% í júní 2012, 7,1% sögðust eingöngu ætla að ferðast utanlands borið saman við 7,1% í júní 2012 og 10,1% sögðust ekki ætla að ferðast neitt í sumarfríinu borið saman við 11,9% í júní 2012.

MMR kannaði fylgi stjórnmálaflokka og stuðning við ríkisstjórnina (stjórn Framsóknarflokks og Sjálfstæðisflokks) á tímabilinu 13. til 19. júní 2013. Stuðningur við ríkisstjórnina hefur dregist saman og mælist nú 55,8% en mældist 59,8% í síðustu könnun.
Fylgi Sjálfstæðisflokksins mælist nú 27,3%, borið saman við 28,2% í síðustu mælingu og Framsóknarflokkurinn mælist nú með 19,9% fylgi, borið saman við 21,2% í síðustu mælingu. Samfylkingin mælst nú með 13,0% fylgi, borið saman við 11,7% í síðustu mælingu og Björt framtíð mælist nú með 12,5% fylgi borið saman við 11,2% í síðustu mælingu. Vinstri græn mælast nú með 12,4% fylgi, borið saman við 13,8% í síðustu mælingu og Pírataflokkurinn mælist nú með 8,1% fylgi, borið saman við 6,6% í síðustu mælingu. 

MMR kannaði á tímabilinu 13 – 19 júní 2013 hvaða skyndibitamat Íslendingar sögðust oftast kaupa.
Af þeim sem tóku afstöðu sögðust 42,5% oftast kaupa sér pizzu þegar þau keyptu skyndibitamat, 20,3% sögðust oftast kaupa hamborgara, 9,4% sögðust oftast kaupa Thailenskan, Ind- eða Kínverskan mat, 6,1% sögðust oftast kaupa Sushi og 10,8% sögðust oftast kaupa annan skyndibitamat. 10,9% sögðust ekki kaupa skyndibitamat.