Fréttir (birtar niðurstöður)

asiMMR kannaði hvort landsmenn væru sáttir eða ósáttir við nýgerða kjarasamninga aðildarfélaga ASÍ og Samtaka atvinnulífsins (SA). Af þeim sem tóku afstöðu sögðust 63% vera sáttir og 37% ósáttir við nýgerða kjarasamninga, þar af voru 9,0% mjög sáttir og 13,4% mjög ósáttir.

Afstaða til kjarasamninganna var misjöfn eftir aldri og kyni. Af þeim sem tóku afstöðu voru 65,8% kvenna sem sögðust sáttar við kjarasamningana en 60,7% karla. Af þeim sem eru í aldurshópnum 18-29 ára og tóku afstöðu til spurningarinnar sögðust 64,4% vera sáttir við kjarasamningana borið saman við 59,5% í aldurshópnum 30-49 ára og 66,7% í aldurshópnum 50-67 ára.

1105_kjarasamn_01

Nokkur munur var á afstöðu eftir menntun og tekjum en af af þeim sem tóku afstöðu sögðust 53,1% sem hafa lokið verklegu framhaldsnámi vera sáttir við kjarasamninga borið saman við 67,6% þeirra sem hafa lokið háskólanámi. Af þeim sem tóku afstöðu sögðust 58,8% þeirra sem hafa lægstu tekjurnar (undir 250 þús.) og 62,1% sem hafa hæstu tekjunar (800 þús. eða hærra) vera sáttir við kjarasamningana borið saman við 69,7% þeirra sem eru með 250-399 þúsund í heimilistekjur á mánuði.

Þeir sem styðja stjórnarflokkana eru flestir sáttir við nýgerða kjarasamninga. Af þeim sem tóku afstöðu sögðust 80,3% þeirra sem myndu kjósa Vinstri græna og 73,5% þeirra sem myndu kjósa Samfylkinguna, ef kosið yrði í dag, vera sáttir við nýgerða kjarasamninga borið saman við 45,4% sem sögðust myndu kjósa Sjálfstæðisflokkinn og 40,7% sem myndu kjósa Framsóknarflokkinn væri gengið til kosninga í dag.

Niðurstöðurnar í heild:

1105_tilkynning_kjarasamningar.pdf

Lokaniðurstaða Capacent Gallup reyndist að meðaltali 1,7 prósentustigum frá kosningafylgi flokkanna og forspá um fulltrúafjölda gekk eftir.