Yfir 80% nota farsíma undir stýri

Samtals 83,1% svarenda í könnun MMR segjast hafa notað farsíma undir stýri á síðastliðnum 12 mánuðum. Lang flestir, eða 71,0%, sögðust hafa notað farsíma eitthvað fyrir símtöl án handfrjáls búnaðar og 24,0% sögðust hafa notað farsíma eitthvað fyrir símtöl með handfrjálsum búnaði. Þá voru 58,4% sem sögðust hafa notað farsíma undir stýri eingöngu án handfrjáls búnaðar og 11,4% sögðust hafa notað farsíma undir stýri en eingöngu með handfrjálsum búnaði .
Þá voru 26,4% sem sögðust hafa notað farsíma við akstur til að skrifa/lesa sms skilaboð og 3,5% sögðust hafa notað farsíma við akstur til að fara á internetið. 16,9% svarenda sögðust aldrei hafa notað farsíma við akstur á síðastliðnum 12 mánuðum.

Nokkur munur reyndist á niðurstöðum eftir aldri svarenda. Þannig voru 47,2% svarenda undir þrítugu sem sögðust hafa notað farsíma við akstur til að skrifa/lesa SMS skilaboð samanborið við 6,3% þeirra sem voru fimmtíu ára og eldri. Þá voru 9,7% svarenda á aldrinum 30-49 ára sem sögðust aldrei hafa notað farsíma samanborið við 30,9% í aldurshópnum 50 ára og eldri.

Niðurstöðurnar í heild:
pdf 1004_tilkynning_farsimar.pdf

Almennt um birtar niðurstöður kannana MMR

MMR birtir reglulega niðurstöður úr könnunum sem unnar hafa verið meðal almennings um málefni líðandi stundar. Kannanirnar eru jafnan unnar sem hluti af spurningavagni MMR og efnistök valin af starfsfólki MMR út frá þeim fréttum sem eru áberandi í umfjöllun þegar viðkomandi könnunin hefst. MMR birtir ekki fréttatilkynningar úr könnunum sem eru unnar fyrir aðra eða fjármagnaðar af öðrum. Kannanir MMR eru unnar samkvæmt siðareglum ESOMAR.

Notkun á efni heimil svo lengi sem heimilda (vörumerkis MMR) er skýrt getið í heimildum um uppruna gagnanna.